Dahshat Zadi

	Nayeema Mahjoor

دہشت زادی اُس کشمیری خاتون کی داستان ہے جو اپنے کیریر کے آغاز پراُس وقت پرُتشدد حالات کے شکنجے میں پھنس گئی جب وادی کشمیر میں سن اسی کے اواخر میں حصول آزادی کے خاطر عسکری تحریک شروع ہوگئی اور ہر طرف قتل وغارت گری، تباہی اور بربادی کے نتیجے میں اُسے اپنے گھر نوکری اور شوہر پر اختیار نہیں رہا۔ عسکری تحریک نے مسلم آبادی میں بھارت سےآزادی حاصل کرنے کے جذبے کو دوبارہ اجاگر کیااور وہ بھی اس جذبے سے سرشار ہوکرآزاد مملکت کا خواب پھردیکھنے لگی مگر تحریک کے ساتھ اُس کے شوہر کی جنونی حد تک وابستگی سے اُس کی ازدواجی زندگی بُری طرح متاثر ہوگئی۔ گھریلو اور بیرونی حالات اس قدر بدتر ہوتے گئے کہ اُس کو بعض اوقات عسکریت پسند اور بھارتی فوجی کے طرز عمل میں کوئی نمایاں فرق محسوس نہیں ہوا۔ جب حالات اُس کے قابو سے باہر ہوگئے تو وہ روایتی معاشرے میں رہ کر زندگی کے ہر پہلو سے سمجھوتہ کرنے پر مجبور ہوگئی حتی کہ آزادی کے خواب کو بھی دل کے کسی کونے میں پھردفن کرناپڑا۔