Dard Ka Aakhri Tawaf

	Tauseef Bareilvi

کیم عبد الرؤف کیانی نے افسانوں میں ہمارے آس پاس کے وہ سماجی مسائل پیش کیے ہیں کہ جنہیں بہت سے افسانہ نگار اس لیے نہیں برتتے کیوں کہ وہ ان کے لیے بہت عام سے موضوعات ہوتے ہیں جب کہ افسانہ نگار کا ہنر یہی ہے کہ وہ کسی عام موضوع کو بھی خاص بنا کر پیش کرے۔ مذہبی شدت اور فرقہ واریت جیسے زہر نے جہاں پوری دنیا کو اپنے نرغے میں جکڑ رکھا ہے، ایسی فضا میں محبت کے پیغام کی اشد ضرورت ہوتی ہے اور وہ محبت کا پیغام کتاب ہذا ” درد کا آخری طواف میں بخوبی دیکھنے کو ملتا ہے۔ ایک طرف ان کے افسانوں میں محبت ، ایثار اور قربانی کی دھیمی فضا ملتی ہے تو دوسری طرف ہوس ، جنون ، طبقاتی تفریق، دقیانوسیت، بھوک و افلاس، رشوت خوری اور ظلم و جبر کا طوفان بھی نظر آتا ہے۔ اتحاد اور محبت ہی اس دنیا کی اصل ضرورت ہے اور اپنے اسی جذبے کے اظہار کے لیے وہ بعض اوقات اساطیر کی مدد بھی لیتے ہیں۔ ان کے افسانوں کا دھیما پن ٹھیک اس خوشبو کی طرح ہے جو دھیرے دھیرے رگ و پے میں اترتی ہے اور مسحور کر دیتی ہے۔